Takimi i zyrtarëve të INPO-së me nën-kryetarin e komunës e Prishtinës z. Avdullah Hoti

28/05/2013

Prishtinë, 27 Maj 2013 – Zyrtarët e INPO-së sot realizuan një takim me nën-kryetarin e komunës së Prishtinës z. Avdullah Hoti. Qëllim i këtij takimi ishte thellimi i bashkëpunimit në mes të komunës së Prishtinës dhe INPO-së, si dhe u diskutuan në përgjithësi mbi zhvillimet në qytetin e Prishtinës. Në takim të pranishëm ishin Drejtori ekzekutiv i INPO-së z. Samir Reka dhe Koordinatori i zyrës së Prishtinës z. Osman Bllaca.

Gjatë takimit z. Hoti e vlerësoj lartë punën dhe profesionalizmin e organizatës INPO dhe i siguroj se do të kenë edhe më tej bashkëpunimin e komunës në të ardhmen, i pranishëm në takim ishte edhe zëdhënësi i komunës z. Asdren Osaj.

Drejtori ekzekutiv i INPO-së, z. Samir Reka, e njoftoi nën-kryetarin Hoti për punën dhe aktivitet të cilat do t’i ndërmerr organizata INPO, poashtu z. Reka kërkoj nga zyrtarët komunës që të rrisin nivel e transparencës në të gjitha fushat dhe kërkoj që kryetari të hartoj një planin për transparencë të komunës së Prishtinës.

Pjesa e tjetër e takimit u fokusua në punën të cilën organizata INPO është duke e bërë momentalisht në komunën e Prishtinës dhe monitorimin e punës saj. Osman Bllaca koordinatori i zyrës për Prishtinë njoftoj nën-kryetarin për problemet më të cilat po ballafaqohet INPO dhe kërkoj nga nën-kryetari që të freskoj ueb-faqen e komunës me të dhëna, sepse ueb-faqja e komunës nuk është freskuar që nga marsi i vitit 2011.

Z. Bllaca, poashtu kërkoj nga nën-kryetari edhe raportim më të mirë për shpenzimin e buxhetit, ku ndër të tjera kërkoj që të kenë një përformancë më të mirë buxhetore. Gjithashtu, INPO kërkoj nga komuna që të filloj më investimet kapitale të cilat janë paraparë për këtë vit, më qëllim të një ekzekutimi më të mirë të buxhetit për vitin 2013.

Zyrtarët e INPO-së i prezantuan një ide komunës së Prishtinës për subvencionimin e bujqësisë, duke i subvencionuar të gjithë ata bujq të cilët kanë tokë pjellore me nga tri serra dhe fidane për një vit. Që në mënyrë direkte do të përmirësonte jetën e qytetarëve dhe do të ndikonte në uljen e papunësisë.

Nën-kryetari i komunës z. Hoti e mirëpriti këtë ide dhe vlerësoi angazhimet e INPO-së që nga fillimi i monitorimit të komunës së Prishtinës, ku sipas tij, INPO është treguar shumë profesionale në raport me komunën. Ai poashtu i siguroi zyrtarët se do të kenë qasje në secilin informacion të komunës i cili nuk klasifikohet sekret sipas legjislacionit në fuqi.

Organizata INPO e vlerëson këtë qasje të komunës së Prishtinës, veçanërisht të z. Hotit, dhe shpreson në bashkëpunim të vërtetë i cili do të rezultonte në përmirësime të qeverisjes dhe jetës më të mirë të qytetarëve në kryeqytetin e Kosovës.