Për të pestin vit organizohet “Shkolla e Aktivizmit” në Prishtinë

Prishtinë, 3 tetor 2015 – Organizata Iniciativa për Progres – INPO për të pestin vit me radhë organizon “Shkollën e Aktivizmit” në Prishtinë, në të cilën do të ndjekin trajnime nxënës dhe student të Komunës së Prishtinës dhe rajonit. Qëllimi i organizimit të kësaj shkolle është fuqizimi i të rinjëve dhe ofërimi i mundësive për ta që të jenë pjesë aktive e shoqërisë, duke synuar që këta të rinjë të jenë të përgaditur dhe të gatshëm për tregun e punës, si dhe të jenë aktiv në ofërimin e zgjidhjeve për problemet e shoqërisë.

Më shumë se tridhjetë (30) nxënës të shkollave të mesme, student të universiteteve në Kosovë, të diplomuar dhe të tjerë të interesuar do të ndjekin trajnime në katër module gjatë cdo fundjave të muajit tetor. Vlenë të përmendet interesimi jashtëzakonisht i madh i të rinjëve për t’u bërë pjesë e gjeneratës së pestë të Shkollës, ku më shumë se tetëdhjetë (80) të rinjë kanë aplikuar dhe fatkeqsisht, për arsye të organizimit të klasëve dhe moduleve janë pranuar vetëm tridhjetë (30) prej tyre, duke u rrespektuar barazia gjinore e pjesëmarrësve.

Me qëllim që përmbajtja e moduleve të trajnimit të jetë sa më e mirë, INPO është munduar të zgjedh dhe ftoj për ligjerim ligjeruesit më të kualifikuar për fushat të cilat do të ligjerojnë. Të gjithë prej ligjeruesve, përpos përvojës teorike, kanë edhe përvojën praktike të cilën do të mundohen ta ndajnë me pjesëmarrësit e tjerë të Shkollës së Aktivizmit në Prishtinë.

Shkollën e Aktivizmit, organizata INPO e realizon me mbështetjen e jashtëzakonshme dhe të vazhdueshme të fondacionit amerikan Charles Stewart MOTT dhe Komunës së Prishtinës.