Kryesuesi z. Sami Hamiti të ofroj dorëheqjen e tij
13/09/2012Prishtinë, 13 Shtator 2012 – Iniciativa për Progres – INPO kërkon nga kryesuesi i asamblesë së Prishtinës të ofroj dorëheqjen e tij, pasi që tani në këto momente ai dyshohet për korrupsion edhe për zhvatje. Ne si organizatë besojmë në parimin së çdo njëri është i pafajshëm deri sa të dëshmohet e kundërta, mirëpo në demokraci ka standarde të moralit që një zyrtar që hetohet për krime serioze duhet të ofroj dorëheqjen apo të shkarkohet nëse është e nevojshme për të siguruar që punët në institucionin që ai përfaqëson vazhdojnë së funksionuari normalisht dhe së imazhi i institucionit nuk dëmtohet duke e humbur kredibilitetin para qytetarëve.
Është për tu shqetësuar numri në rritje i zyrtarëve të lartë të institucioneve të Republikës së Kosovës që po hetohen apo po dënohen për krime të rënda. Edhe pse ne deri më tani kemi parë praktika të çuditshme ku kryetarët e dënuar dhe zyrtarë të ndryshëm publik edhe pse të shpallur fajtor vazhdojnë të jenë pjesë e institucioneve duke e denigruar imazhin e institucionit që përfaqësojnë.
Ne jemi të vetëdijshëm së vakumi ligjorë mundëson këtyre zyrtarëve të jenë në pushtet dhe në pozita të ndryshme. Mirëpo në shpresojmë dhe besojmë së Kryesuesi aktual i asamblesë së Prishtinës z. Hamiti do të ofrojë dorëheqje e tij, si akt moral pasi që si zyrtar i zgjedhur nga vota e qytetarëve nuk është më legjitim para shoqërisë që të mbaj pozitën e të parit të asamblesë si kryesues.
Ne kërkojmë nga përfaqësuesit e asamblesë si përfaqësues të drejtpërdrejtë të qytetarëve të Prishtinës të ndërmarrin të gjitha hapat e nevojshëm për të mbrojtur institucionin e shenjtë të demokracisë duke mos lejuar që z. Hamiti më të jetë kryesuesi i tyre në rast së ai refuzon të që të ofroj dorëheqjen e tij.
Më respekt,
INPO