Konkurs për punë

20/06/2024

Pozita e Punës

• Titulli: Hulumtues/e
• Numri i Pozitave: 2
• Lokacioni: Prishtinë
• Orari i Punës: I plotë (09:00 – 17:00)
• Kohëzgjatja e Kontratës: 12 muaj me mundësi vazhdimi

Rreth Organizatës

INPO është organizatë joqeveritare dhe jofitimprurëse e themeluar në vitin 2005. Misioni i saj është të përparojë pjesëmarrjen e qytetarëve në proceset shoqërore duke avokuar për çështje sociale, politike dhe ekonomike, dhe duke promovuar transparencën dhe llogaridhënien e institucioneve publike. Aktivitetet e saj menaxhohen përmes dy programeve të specializuara:

1. Qeverisja e Mirë
2. Edukimi Demokratik

Detyrat dhe Përgjegjësitë

• Udhëheq, dizajnon dhe mbikëqyr hulumtimet në fushën e prokurimit publik, sundimit të ligjit dhe qeverisjes së mirë.
• Përgatit hulumtime dhe zhvillon analiza në fushën e sundimit të ligjit dhe prokurimit publik.
• Menaxhon mbledhjen e të dhënave sasiore dhe cilësore.
• Përmbledh dhe analizon të dhënat në prokurim publik.
• Shpjegon gjetjet e hulumtimeve dhe implikimet e tyre.
• Harton raporte dhe analiza në fushën e prokurimit publik dhe sundimit të ligjit.
• Vlerëson efektivitetin e aktiviteteve të prokurimit dhe rezultatet e tyre.
• Cakton afate kohore dhe metodika për arritjen e objektivave specifike të projektit.
• Mirëmbanë dhe arkivon të gjitha dokumentet dhe materialet e hulumtimeve.
• Organizn konferenca, seminare dhe takime për qëllime avokuese.
• Përfaqëson INPO në media dhe ngjarje publike.
• Kryen detyra të tjera sipas udhëzimeve të drejtorit ekzekutiv dhe menaxherit të programeve.

Kualifikimet e Kërkuara

• Diplomë universitare Bachelor në Juridik, Administratë Publike, Ekonomi apo fusha të tjera relevante (përparësi diploma Master).
• Përvojë pune në organizata joqeveritare ose në shërbim civil, veçanërisht në prokurim publik dhe administratë publike.
• Njohuri të thella të sistemit të prokurimit dhe legjislacionit për Prokurim Publik në Republikën e Kosovës.
• Aftësi për të analizuar detyrat dhe qëllimet e hulumtimit dhe të formuloj plane dhe metodologji për arritjen e objektivave dhe rezultateve.
• Aftësi për të shkruar raporte dhe analiza në fushën e sundimit të ligjit dhe prokurimit publik.
• Aftësi të shkëlqyera në komunikimin profesional me shkrim dhe verbal, përfshirë letra, korrespondenca, propozime, publikime, raporte dhe prezantime.
• Njohja e shkëlqyer e gjuhës angleze në të folur dhe shkrim.
• Aftësi për të punuar dhe komunikuar me grupe të ndryshme të interesit.
• Leja e vozitjes (kategoria B) është e preferueshme.

Dokumentet e Aplikimit dhe Procedura

Kandidatët duhet të dorëzojnë:

• Rezyme (CV)
• Letër motivimi
• Letër rekomandimi
• Dëshmitë për edukimin, përvojën e punës dhe aftësitë

Afati i Aplikimit

• Data: 30 qershor 2024, deri në orën 23:59.
• Mënyra e Aplikimit: Vetëm përmes email-it, në adresën punesimi@inpo-ks.org, duke shënuar në subjekt “Aplikim për pozitën hulumtuesit/es”.
• Aplikimet e dorëzuara pas afatit ose të paplota nuk do të merren në konsideratë.
• Vetëm kandidatët e përzgjedhur në listën e ngushtë do të ftohen për testim me shkrim dhe intervistë.
• INPO rezervon të drejtën të mos përzgjedh asnjë kandidat nëse aplikacionet janë të papërshtatshme ose nëse kandidatët nuk përmbushin standardet gjatë procesit të rekrutimit.

Barazia në Punësim

INPO inkurajon të gjithë të interesuarit, pa dallim gjinie, feje, kombësie, orientimi seksual, nevoja të veçanta apo përkatësie tjetër, që të aplikojnë në këtë konkurs.