Komunat adresojnë rekomandimet e INPO-s duke përmirësuar gabimet në aktivitete të prokurimit

Komunat vazhdojnë adresojnë gjetjet dhe rekomandimet e INPO-s rreth rregullsisë së aktiviteteve të prokurimit me qëllim të zbatimit të mirëfilltë të ligjit për prokurim publik dhe parandalimit të gabimeve në vendosjen e kritereve, kërkesave dhe specifikimeve teknike që diskriminojnë në favor ose kundër një apo më shumë operatorëve ekonomik.

INPO vlerëson se gatishmëria e komunave për të përmirësuar gabimet dhe lëshimet në njoftimet e publikuara për aktivtete të prokurimit apo anulimin e tyre në tërësi është dëshmi për ngritjen e nivelit të përgjegjshmërisë së zyrtarëve të prokurimit për të siguruar vlerën më të mirë për paranë publike dhe pjesëmarrjen sa më të gjerë të mundshme të operatorëve të interesuar ekonomik lidhur me çmimin dhe lëndën e prokurimit.

INPO mirëpret bashkëpunimin e këtillë me autoritetet publike të Republikës së Kosovës, dhe inkurajon zbatimin e praktikave të tilla të cilat sjellin vendime të ligjshme dhe të drejta, dhe të cilat ndikojnë për të mirë në parandalimin dhe luftimin e keqpërdorimeve në procesin e menaxhimit dhe shpenzimit të parasë publike. Vetëm në këtë mënyrë, duke vepruar në dobi të respektimit të parimeve të sundimit të ligjit në fushën e prokurimit publik, mund të avancohen praktikat e qeverisjes së mirë dhe menaxhimit efikas dhe efektiv të parasë publike.

Më poshtë gjeni komunat, llojet, vlerën dhe titullin e kontratave ku janë bërë përmirësimet e gabimeve në njoftimet e publikuara apo janë anuluar në tërësi tenderët:

Titulli i aktivitetit të prokurimit të anuluar: “Mbikqyrja e projekteve: LOT I – Revidimi dhe mbikqyrja e projektit Ndertimi i skemës së furnizimit me ujë në Ferizaj (Fabrika e ujit) dhe LOT II – Mbikqyrja e projektit “Bashkimi i Qytetit””, vlera e parashikuar e kontratës 85.000,00euro- procedurë e hapur. Për më shumë kliko këtu.

Titulli i aktivitetit të prokurimit të përmirësuar: “Ndërtimi i rrugës Cermjan-Meqe-Kontratë tri vjeqare”, vlera e parashikuar e kontratës 524.000,00 euro – procedurë e hapur. Për më shumë kliko këtu.

Titulli i aktivitetit të prokurimit të përmirësuar: “Renovimi i ambullantave”, vlera e parashikuar e kontratës 99.657,00 euro – procedurë e hapur. Për më shumë kliko këtu.

Titulli i aktivitetit të prokurimit të përmirësuar: “Furnizim me Mirëmbatje të Ndërtesave për Institucionet e Komunës së Shtimes”, vlera e parashikuar e kontratës 12.695,80 euro – procedurë e hapur. Për më shumë kliko këtu.

Titulli i aktivitetit të prokurimit të përmirësuar: “Ndërtimi dhe vendosja e shkallve emergjente nëpër disa objekte shkollore”, vlera e parashikuar e kontratës 20.000,00 euro – procedurë e hapur. Për më shumë kliko këtu.

Titulli i aktivitetit të prokurimit të përmirësuar: “Shtrimi me kubëza në zonat rurale dhe urbane – sipas LOT-eve”, vlera e parashikuar e kontratës 262.281,10 euro – procedurë e hapur. Për më shumë kliko këtu.

Titulli i aktivitetit të prokurimit të anuluar: “Mirëmbajtja dhe pastrimi i objekteve të AK”, vlera e parashikuar e kontratës 160.000.00 euro – procedurë e hapur. Për më shumë kliko këtu.

1. “Asfaltimi i rrugës Dollovë, Grabanicë, Dush, Jellovc”, vlera e parashikuar e kontratës 230.000,00euro – procedurë e hapur. Për më shumë kliko këtu.

2. “ Ndërtimi i kanalizimeve Lot 1- në Ranoc-Leskoc – Faza1, Lot 2 – Drsnik – Faza 1, Lot 3 – Dollc – Faza 1, Lot 4 – në lagje të Klinës”, vlera e parashikuar e kontratës 165.000,00 euro – procedurë e hapur. Për më shumë kliko këtu.