“INPO hap debatin mbi adresimin e rekomandimeve të Zyrës së Auditorit të Përgjithshëm për Komunën e

26/09/2014

Prishtinë, 26 Shtator 2014 – Iniciativa për progres (INPO) ne bashkëpunim dhe përkrahje nga Fonadioni kosovar për shoqëri te Hapur KFOS ka organizuar tryezë diskutimi me temën “Si të evitohen shkeljet e Komunës së Prishtinës të nxjerra nga auditori i përgjithshëm”. Kjo tryezë është përkrahur nga fondacioni kosovar për shoqëri të hapur – KFOS. Në kuadër të kësaj tryeze u prezantuan të gjeturat e INPO-së mbi adresimin e rekomandimeve të ZAP-it nga Komuna e Prishtinës.

Në këtë tryezë ishin prezent, përfaqësuesja e kabinetit të kryetarit të Komunës së Prishtinës znj. Fitore Pacolli, Përfaqësuesi nga ZAP z. Bujar Sejdiu, drejtori i Njësisë së Auditimit te Brendshem NJAB në Komunën e Prishtinës z. Arianit Mustafa, Shefi i Prokurimit të Komunës së Prishtinës z. Xhevat Simnica, Shefi i grupit të këshilltarëve komunal në Prishtinë nga radhët e LDK-së z. Sami Hamiti, nga Lëvizja Vetëvendosje z. Ylli Hoxha, nga radhët e PDK-së, znj. Lirijeta Rexhepi, z. Visar Arifaj nga Partia e Fortë si dhe përfaqësues të Shoqërisë Civile, qytetarë dhe media.

Drejtori i INPO-s z.Samir Reka bëri hapjen e këtij debati dhe tregoj arsyeshmërin e të debatuarit për këtë temë, ku më pas hulumtuesi nga INPO z. Kristjan Hasanaj prezantoj të gjeturat e plotësimet të rekomandimeve të auditorit të përgjithshëm nga Komuna e Prishtinës. Bazuar në të gjeturat e hulumtimit, Komuna e Prishtinës ka marr ndërmarr përpjekje serioze për adresimin e rekomandimeve të dhëna nga ZAP. Komuna e Prishtinës vazhdon të këtë probleme më përpilimin e pasqyrave vjetore financiare dhe menaxhimin adekuat të financave publike. Njëkohësisht nga të pranishmit në tryezë, u konstatua që Komuna e Prishtinës ka probleme më hartimin e planit të veprimit në implementimin e rekomandimeve të konstatuara nga ZAP. Poashtu, u evidentua mungesa e koordinimit në mes të NJAB-it me Zyrën e Auditorit të Përgjithshëm dhe menaxhmentin komunal.

Në këtë tryezë u dhanë rekomandimet te cilat i drejtohen Komunës se Prishtinës, në mënyrë që të shënoj progres ne adresimin e vërejtjeve të dhëna nga ZAP, si:

– Krijimi i Komitetit te Auditimit konform ligjit për Auditim të brendshëm, qëllimin i të cilit është të siguroj një marrëdhënie efektive në mes të Ekzekutivit të Komunës dhe NJAB.

– Të zbatohen në tërësi rekomandimet e Auditorit të Përgjithshëm të evidentuara në raportet vjetore të auditivit.

– Komuna duhet të shpenzojnë buxhetin konform planifikimeve paraprake ne mënyre që suficiti vjetor të ketë ulje.

– Ekzekutivi komunal duhet te bashkëpunoj me intensivisht me Zyrën e Audtimit te Brendshëm NJAB, në komunë.

– Të këtë bashkëpunim në mes të Prokurorisë së Shtetit dhe ZAP-it, për të hetuar shkeljet e evidentuar nga raportet e ZAP-it.