Debati; “ Armëmbajtja dhe rreziku që mund të shkaktoj ajo ”
11/08/2011-11 gusht 2011- INPO në bashkëpunim me Policinë e Kosovës, Safeworld, FIQ dhe shtat organizata partnere në komuna janë duke realizuar fushatën sensibilizues kundër të shtënave me armë zjarri nëpër ahengje me moton “S’ka gëzim dhe mahi me allti Mos gjuaj”.Në kuadër të kësaj fushate sot është organizuar tryeza rajonale me temë të diskutimit “Armëmbajtja dhe rreziku që mund të shkaktoj ajo” në Ferizaj.
Në këtë Tryezë morën pjesë: Përfaqësues të Policisë së Kosovës, përfaqësuese të institucioneve shëndetësore, përfaqësues të Komunave, gazetar dhe përfaqësues të organizatave jo qeveritare.
Astrit Istrefi nga organizata Safeworld u shpreh falënderues ndaj iniciativës së Drejtorisë Qendrore të Policisë së Kosovës kanë iniciuar idenë e kësaj fushate. Fushata zhvillohet ne 7 komunat kryesore te vendit, dhe behet në bashkëpunim me organizata partnere. Istrefi njoftoi pjesëmarrësit se qëllimi i fushatës është :
1) Ngritja vetëdijes për mospërdorimin e armeve ne ahengje private
2) Respektimi i plote i ligjit.
Qazim Reka komandant në stacionin e Policisë në Ferizaj në këtë tryezë prezantoi angazhimin e Policisë së Kosovës në parandalimin e rastëve. Në vitin 2011 Policia e Kosovës ka pasur vetëm 1 lajmërim për përdorim të armëve nëpër ahengje. Gjithashtu u tha se Policia e Kosovës punon edhe me një plan të quajtur “Gëzimi të mos shndërrohet ne hidhërim”. Në bazë të këtij plani Policia është marrë veshë me restorantet dhe objektet hoteliere që merren me organizime të ahengjeve që në marrëveshje te aranzhimeve të ahengjeve, si kriter për mirëpritësin e dasmës të jetë ndalimi i përdorimit të armëve në atë aheng u tha nga z. Reka,gjithashtu bëri thirrje qytetarëve që ti raportojnë rastet.
Jehona Kapllani nga organizata INPO shprehi shqetësimin se përdorimi i armëve nëpër ahengje po bëhet nga vet pjesëtarët e Policisë së Kosovës, që duhet të jen shembull për qytetarët . Ndërsa mungojnë shqiptimi i masave disiplinore ndaj tyre.
Jaser Jaha nga Policia e Kosovës në Kaçanik njoftoi pjesëmarrësit në tryezë se në këtë komunë në vitin 2010 janë konfiskuar 41 arme pa leje, ndërsa në vitin 2011 janë konfiskuar 14 armë.
Bujar Ferati përfaqësuese i QKMF-së Shtime njoftoi se në këtë komunë nuk ka raste te të lënduarve nga armët në ahengje.
Shemsi Bushi përfaqësues i QKMF-së në Komunën E Hanit të Elezit potencoi një rast kur doktorët e kësaj qendre janë kërcënuar nga një person me arme kanë raportuar rastin mirëpo ky personi është liruar shumë shpejt dhe nuk kishin marr masat e nevojshme lidhur me këtë rast.
Afrim Demiri gazetar në këtë debat tha se është gjendje shqetësuese përdorimi i armëve pa leje dhe rrezikut që mund të paraqesin ato, andaj është përgjegjësia individuale e gjithsecilit për të mos përdorur armët në ahengje. Gjithashtu është përgjegjësia e organizatorit të ahengut për të parandaluar gjuajtjen me armë në aheng.
Nazim Haliti nga organizata FIQ njoftoi pjesëmarrësit se për 10 vite me radhë asnjë dënim nuk është shqiptuar për këtë vepër penale nga institucionet e drejtësisë.
Fushata senzibilizuese kundër të shtënave me armë nëpër ahengje me moton “S’ka gëzim as mahi me allti Mos gjuaj!”, organizohet në kuadër të Programit të përbashkët të punës së Safeworld dhe Forumit Për Iniciativa Qytetare në Kosovë, përkrahur financiarisht nga ministria e punëve të Jashtme të Norvegjisë.