100 Ditë e Qeverisjes me Muharrem Svarqën
08/04/2014INPO i nxjerr njëzet rekomandime për komunën e Ferizajt
Ferizaj,08 Prill 2014- INPO organizoi debatin “100 Ditë e Qeverisjes me Muharrem Svarqën”. Të pranishëm në këtë debat ishin: Muharrem Svarqa (Kryetar i Komunës së Ferizajt), Xhavit Zariqi (Nënkryetar), Milazim Haliti (Kryesues i Kuvendit), Muhamet Çerkini (Shef i Gr.të Asamblesitëve të LDK-së), Gazmend Bytyqi (Shef i
Gr.të Asamblesitëve të PDK-së), Sylejman Zeka ( Shef i Gr.të Asambleistëve të LVV), Ardian Sejdiu (Kryetar i PD), Ibrahim Hyseni (Kryetar i AKR-së), Mustafë Grainca (Asambleist nga PDK), Bashkim Fazliu (Kryetar i NQF-së), Bekim Ademi (Anëtar i LVV), Qazim Rrahmani (Asamblesit nga PDAK), Admir Salihu (Avokat), Albion Sherifi (OJQ-NA), Bardh Frangu (Publicist), Gazmend Rexhepi (Gazetar), Afrim Nusreti (0SBE), Fazile Bungu (Hendifer) si dhe mediat lokale.
Drejtori ekzekutiv i INPO-s, z.Samir Reka bëri hapjen e debatit duke treguar aryeshmërinë e të debaturarit rreth kësaj teme si dhe ngriti pyetjen e tryezës : nëse në Ferizaj do të kemi një qeverisje më transparente, ndryshe nga praktikat e së kaluarës, apo vetëm ndryshim të personave fizik të cilët udhëheqin komunën e Ferizajt ?!
z.Alban Haliti, Koordinatori Programeve në INPO, prezantoi të gjeturat e INPO-s për 100 ditët e qeverisjes së Muharrem Svarqa me theks të veqantë tek mungesa e transparencës, refuzimet e pa baza të kërkesave për qasje në dokumente zyrtare, vendimet e ngutshme të qeverisjes , emërimet e zyrtarëve në bordet e NP dhe në emërimet e zyrtarëve komunal. Z.Haliti paraqiti gjithashtu edhe rekomandimet e INPO-s për qeverisjen e re komunale në Ferizaj. Ndër rekomandimet kryesore mbetën: Hartimi i planit të punës dhe atij të transparencës, Reformimi i Administratës, Funksionalizimi i Inspektoratit komunal,Shpejtimi i investimeve kapitale etj.
Kryetari i komunës së Ferizajt z.Muharrem Svarqa paraqiti të arriturat e qeverisë së tij për 100 ditë ku me theks të veqantë është ndalur tek mbrojta e pyejeve, mbyllja e kazinove, siguria në rrugë, si të arritura të tjera. Kryetari Svarqa ka potencuar kujdesin ndaj buxhetit komunal, veqanërisht tek kompanitë që kanë fituar tenderin e mirëmbajtes së rrugëve të qytetit,rishikim i procedurave të prokurimit dhe dhënien e kontratës publike me vlerë më të ulët përrreth 20 mijë euro për shkollën e Gremës,si dhe planin për evidentimin e pronave komunale.
Nga ana tjetër asambleistët opozitar kanë shfaqur brengën për mos hartimin e planeve të punës,në veqanti z. Mustafë Graninca nga PDK-ja ka shtruar pyetjen nëse ekziston dikun elementi që mundëson shkeljen e përkohshme të ligjit.
Z.Sylejman Zeka nga LVV e ka cilësuar qeverisjen si klienteliste, nepotiste dhe të punësimeve familjare. Ai është ndalur tek ndërtimet pa leje si dhe ka kërkuar nga Drejtoria eUrbanizmit dhe Inspektoriatit të mirren hapat për ndalimin e kësaj dukurie.
Në debat janë ngritur edhe shqetësimet e tjera siç janë përdorimi i veturave zyrtare gjatë ditëve të vikendit,
punësimi në baza partiake si dhe shfuqizimi i vendimeve të qeverisjes së kaluar.
Në anën tjetër përfaqësuesit e pozitës nga LDK-ja,AAK-ja dhe NQF-ja e cilësuan si një realitet i ndryshuar në
qytet si një qeverisje e cila po e mbron pronën dhe buxhetin e qytetarit të komunës së Ferizajt si dhe një qeverisje transparente.
Në përmbyllje kryetari i komunës së Ferizajt z.Muharrem Svarqa kërkoi koncensus për zhvillimin dhe mbrojtjen e interesave të qytetarëve të komunës sonë.
INPO kërkoi nga qeverisja e re që në ditët në vijim t’i merr parasysh rekomandimet e dalura nga tryeza me qëllim të fuqizimit të qeverisjes së mirë dhe transparente.
Rekomandimet që dolën nga kjo tryezë:
1. Të hartohet Plani një vjeqar i punës;
2.Të hartohet Plani i Transparencës;
3.Të lejohet monitorimi i vlerësimit të tenderëve;
4.Të lejohet monitorimit i procesit të intervistimit të kandidatëve që konkurojn për punësim në të
gjitha institucionet që janë nën kompetencat e komunës;
5. Rekomandohet Drejtoria për Ekonomi dhe Financa që ndryshimet që prekin rrjedhat buxhetore për vitin
2014 të mos i bëjë në procedurë ad – hoc por ajo të jetë pjesë e strategjive buxhetore afatgjata dhe pjesë e komunikimeve të gjera me publikun.
6.Të fillojë procesi i hartimit të buxhetit për vitin 2015 dhe të përfshihen qytetarët në hartimin e
buxhetit;
7.Rekomandohet Drejtoria për Shërbime Publike që të hartojë planin për Trafikun Urban të qytetit;
8.Rekomandohet Drejtoria për Kulturë, Rini dhe Sport që të ndërtohet objekt i ri i Qendrës Rinore
dhe funksionalizohet kinemaja e qytetit;
9. Të organizohet dhe sistemohet arkivi i komunës;
10.Të krijohet bibloteka ligjore e komunës;
11. Të ndryshohet zyra e avokatit të popullit, në një zyrë më të qasshme dhe më të
denjë;
12.Të ngritet bashkëpunimi me OJQ-të, Mediat dhe Komunitetin e Biznesit;
13.Të dinamizohen investimet kapitale;
14.Të ndërpritet logjika e emërimeve të përkohshme;
15.Të mos politizohen Bordet e Ndërmarrjeve Publike dhe Qendrat e Mjekësisë Familjare;
16. Të funksionalizohet sekretaria e Kuvendit Komunal;
17. Të respektohen ligjet në fuqi;
18. Të ngriten kapacitetet për përfitimin e fondeve nga Komisioni Europian;
19. Të reformohet Administrata; dhe
20. Funksionalizimi i Inspektoratit.