Pa Konkurs pranohen punëtorët e Kopshtit të Fëmijëve në Lagjen e re

15/03/2013

INPO – gjatë monitorimit të punës së Komunës së Ferizajt ka vërejtur se pranimi i personelit në kopshtin e Fëmijëve në Lagjen e Re është bëre pa konkurs të shpallur nga ana e komunës së Ferizajt. Kështu janë shkelur një mori ligjesh si Ligji për Arsimin në Komunat i Republikës së Kosovës neni 4, Ligji për shërbimin civil Nr. 03/L-149 neni 11,
Ligji mbi Edukimin Parashkollorë neni 28.

Nga takimet e mbajtura sot nga stafi i organizatës INPO, me Caritas Kosova kanë pohuar se lista e të punësuarve ka ardhur nga komuna e Ferizajt dhe se ne atë listë gjenden persona të afërt të komunarëve, vetëm tre persona janë të punësuar nga Caritas Kosova, nëse vazhdon kështu të bëhet presion ndaj tyre (Caritas Kosovës) atëherë kjo marrëveshje do të shkëputet nga ana e Caritas Kosova sepse nuk do të lejojnë që të njolloset imazhi i tyre. Ata pohuan se drejtoresha e kopshtit nuk komunikon me Caritas Kosova për punët por me komunarët konkretisht me Drejtorin e Arsimit z. Agim Berisha dhe me kryetarin e kësaj komune z. Agim Aliu dhe se Caritas nuk po pyetët për asgjë.

Drejtoresha e këtij kopshti është punësuar nga komunarët , ajo këtë e kumtuar në takimin me INPO.

Ky kopshtë madje nuk është çertifikuar ende edhe pse fëmijët kanë filluar të shkojnë dhe aktualisht në këtë kopshtë po ndodhin një mori parregullsish dhe shkelje ligji.

Kjo formë e udhëheqjes na e sjell ndërmend gjithashtu edhe shembullin e funksionimit të kopshteve në Prizren ku janë ndërprerë së funksionuari kopshtet e fëmijëve.

Komuna e Ferizajt dhe Caritas Kosova kanë nënshkruar marrëveshje bashkëpunimi dhe bashkëfinancimi për “Funksionalizimin e Kopshtit të Fëmijëve në Ferizaj”, e ku në nenin 3 parashihet që Caritas Kosova do të menaxhoj dhe përcjell veprimtarinë e stafit profesional.

Komuna e Ferizajt pretendon se konkursin për personel e ka bërë Cartitas Kosova por kjo kompetencë nuk mund të bartët sipas Ligji për Arsimin në Komuna neni 4 tek një institucion privat, andaj rrjedhimisht detyrohet që;
Stafi profesional për tu punësuar duhet që komuna në bazë të Ligji për Arsimin në Komunat neni 4 dhe të Ligjit mbi Shërbyesit Civil Nr. 03/L-149 neni 11, për konkurs dhe at të Ligjit mbi Edukimin parashkollorë neni 28 të hapë konkurs dhe gjithashtu në konkurs të përfshihet kërkesa lidhur me kualifikim sipas Ligjit mbi Edukimin Parashkollore (L Nr. 02/ L-52 ) nenit 28 të punësuarit e institucioneve parashkollore.

Kjo formë e punësimit ka mundësuar nepotizëm dhe klientelizëm partiak në këtë institucion publik.