Mos respektimi i Ligjit për Vetëqeverisjen Lokale nga Kryetari i Komunës z. Agim Aliu
01/11/2012Iniciativa për Progres përmes disa reagimeve të mëhershme publike ka shprehur shqetësimin për moskonfirmimin e mandatit të drejtorëve komunal pas zgjedhjeve të jashtëzakonshme për të parin e Ferizajt, duke reaguar kështu për shkeljen e Ligjit për Vetëqeverisjen Lokale nga ana e kryetarit të ri të komunës së Ferizajt z.Agim Aliu.
Drejtorët e drejtorive të komunës së Ferizajt vazhdojnë të ushtrojnë funksionet e tyre pa mandat në mënyrë të kundërligjshme, pasi që mandati i tyre ligjërisht ka përfunduar me përfundimin e mandatit e ish-kryetarit z.Bajrush Xhemajli nga ana e gjykatës supreme.
Situata po bëhet edhe më e rëndë pasi që ka analizuar vendimet që drejtorët e drejtorive komunale kanë marr gjatë kësaj periudhe kohore jasht mandatit të tyre ligjor. INPO konsideron se të gjitha vendimet që janë marr gjatë kësaj periudhe që drejtorët kanë vepruar pa mandat janë të pa fuqishme, për vet faktin se ata mbajnë pozitën e tyre në kundërshtim me ligjet në fuqi nënkuptohet se vendimet e tyre kurrsesi nuk mund të jenë të vlefshme, përderisa kryetari Aliu nuk nënshkruan një vendim për ri-emërimin e drejtorëve aktual në pozitat e tyre.
INPO e vetëdijshme për pasojat e mos respektimit të ligjit nga ana e kryetarit Aliu e ka adresuar këtë çështje përmes një letre reaguese edhe në ministrinë përgjegjëse për Vetëqeverisjen Lokale (MAPL) para më shumë se një muaji, por që akoma nuk ka marr një përgjigjie të shkruar rreth qëndrimit të ministrisë. Prandaj INPO përmes kësaj komunikate kërkon edhe një herë nga Ministria për Administrimin e Pushtetit Lokal, që të ushtroj kompetencat e veta ligjore, si autoriteti mbikëqyrës i veprimtarisë dhe akteve të komunave të Kosovës dhe të shfuqizojë të gjitha vendimet që janë marr nga drejtorët e drejtorive të komunës së Ferizajt për periudhën që kanë vepruar jashtë mandatit të tyre.
Ministria e administrimit të pushtetit lokal duhet të përmirësoj gabimet që i ka bërë qysh në fillim duke lejuar që drejtorët e drejtorive të komunës së Ferizajt të ushtrojnë veprimtarinë e tyre pa mandat, duke mos reaguar për shkeljen e ligjit për Vetëqeverisjen Lokale, prandaj edhe ka për obligim që të shfuqizoj të gjitha vendimet e drejtorëve të drejtorive komunale të Ferizajt gjatë periudhës që ata nuk kanë pasur mandatin që të marrin vendime.
Në fund INPO edhe një herë i bënë thirrje kryetarit të komunës së Ferizajt z.Agim Aliut që sa më parë të shmang shkeljen e ligjit dhe të shkarkojë drejtorët që të formoj kabinetin e ri qeverisës ose përmes një vendimi të riemëroj drejtorët aktual.