Mini-projekti i menaxhuar nga nxënësit implementohet në Ferizaj
23/04/2013INPO po u ofron mundësinë që nxënës nga të gjitha komunat e Kosovës të kyçen në menaxhimin e mini- projekteve. Pas pjesëmarrjës ne shkollën e aktivizmit e cila po mbahet në shtate komunat më të mëdha nxënësit kanë mundesi të futen në garë për të fituar grante të vogla për menaxhimin e mini-projekteve. Projektet fituese do të prekin çështje të caktuara problematike për të cilat të rinjtë janë të shqetësuar dhe dëshirojnë të bëjnë përpjekje për t’i ndryshuar ato.
Projekti fitues nga Komuna e Ferizajt është shpallur projekti “PET”. Me këtë projekt kanë fituar nxnës të klasës së njëmbëdhjetë (11) nga Gjimnazi “Kuvendi I Arbërit”. Në kuadër të këtij projekti është vendosur një shportë për riciklimin e shisheve të plastikës në oborrin e Gjimnazit “Kuvendi I Arbërit” njëkohësisht janë shpërndarë fletushka tek nxënësit për ti njoftuar më shumë rreth këtij projekti dhe për ti ftuar ata që të bëhën pjesë e iniciativës për riciklimin e shisheve e cila sjell të mira të shumta për shoqërinë në tërësi.
Hartuesit e këtij mini-projekti përmes kësaj synojnë arritjen e dy rezultateve konkrete; E para është që të rinjtë gjegjësisht bashkmoshatarët e tyre të vetdijsohen dhe të fitojnë shprehi për procesin e riciklimit dhe në këtë mënyre të kontribojnë për mbrojtjen e ambientit. Perveç kësaj, pikërisht këto shishe që grumbullohen do të shtiten që të shkojnë tek kompania e cila i riciklon më pas mjetet e fituara nga shitja e shisheve do te mbesin në shkollë ku do të shfrytëzohen për t’i ndihmuar nxënësit të cilët janë në kushte të vështira financiare p.sh ndihmë në sigurimin e librave shkollor.
Shkolla aktivizmit deri më tani është mbajtur në tri Komuna, në Ferizaj, Gjilan dhe Peje. Gjatë muajve në vazhdim shkolla do të mbahet edhe në katër komuna të tjera (Gjakova, Prizreni, Mitrovica dhe Prishtina).