Me vonesë shqyrtohet ecuria financiare janar-qershor 2013

30/08/2013

Komuna e Ferizajt raportin për ecurinë financiar të periudhës janar-qershor 2013 nuk arrin që në kohë të raportoj para këshilltarëve, gjithashtu planifikimin për shumë zëra buxhetor duket i pa arritshëm.

Ferizaj, 30 Gusht 2013 – Me që ky raport i ecurisë financiare të komunës ka ardhur në shqyrtim tek me datën 30 Gusht pra me një muaj vonesë, konsiderojmë se është bërë shkelje e ligjit për Menaxhimin Financat Publike dhe Përgjegjësive në Neni 45.4 “ Kryetari i komunës duhet të përgatitë dhe t’i dorëzojë kuvendit komunal raporte tremujore të cilat mbulojnë vitin fiskal deri në fund të tremujorit i cili sapo ka përfunduar. Këto raporte duhet t’i dorëzohen kuvendit komunal dhe një kopje duhet t’i dorëzohet ministrit brenda tridhjetë (30) ditëve pas përfundimit të çdo tremujori dhe më pas duhet të publikohen nga kryetari i komunës në faqen e internetit të komunës.”

Në një analizë të shkurtë të cilën INPO i ka bërë raportit të ecurisë financiare ka gjetur se planifikimet e zërave buxhetore në fushat e tatimit në pronë, taksat për automjete, të hyrat nga qiraja si dhe participimi i qytetarëve nuk arritur objektivat e planifikuara.

Të hyrat nga Tatimi në Pronë janë realizuar në shumë prej 566,955.01 euro, ndërsa janë planifikuar 759,999.96 euro. Në qoftë se marrim në %, atëherë komuna ka realizuar 74.59% të planifikim nga të hyrat e Tatimit në Pronë. Taksat nga bizneset ka realizuar 11,111.15 euro më pak se për periudhën e vitit 2012, apo -20.97%.

Taksat për automjete nuk janë realizuar për 7,454 euro nga planifikimi për periudhën janar-qershor 2013 apo shprehur në përqindje -6.78%. Problemin më të madh komuna e Ferizajt për këtë periudhë e ka pasur të hyrat nga qiraja. Komuna kishte planifikuar të realizoj 90,000 euro, ndërsa ka realizuar vetëm 46,895.64 euro. Komuna ka realizuar vetëm 52.11% të hyrave nga qiratë.

Shfrytëzimi i tokës dhe lejet e ndërtimit janë realizuar 172,984.86 euro më pak se sa në periudhën e njëjtë të vitit 2012. Sepse komuna në vitin 2012 kishte realizuar të hyrat në shumë prej 485.411.90 euro, ndërsa në këtë vit ka realizuar vetëm 312,427.04 euro. Në qoftë se shprehim në përqindje kemi 43.75% më pak se sa viti i kaluar.

Pagesat në lidhje më Automjetet janë planifikuar 313,000.00 euro, ndërsa janë realizuar vetëm 125,617.00 euro ose vetëm 40.13%. Edhe të ardhurat nga Arsimi kanë një rënie nga viti i kaluar prej -5.78%.

INPO vlerëson se tek participi i qytetarëve rënie drastike ka ardhur si pasoj e zgjedhjeve te cilat do të mbahen në 3 nëntor 2013. Në vitin 2012 deri në këtë periudhë kohore janë realizuar 510,836.97 euro, ndërsa në këtë vit 130,442.97 euro.

Shpenzimin i buxhetit prej 36.61% dëshmon se Komuna e Ferizajt do të këtë problem me shpenzimin e buxhetit për këtë vit. Komuna e Ferizajt problemin kryesor e ka tek Shpenzimet Kapitale pasi që në këtë kategori buxhetore ka shpenzuar vetëm 24.07%, ndërsa për Paga dhe Mëditje 41.65%, për Mallra dhe Shërbime 45.05%, Subvencione 52.92% si dhe për kategorinë Komunalit ka shpenzuar 56.24%.

Komuna e Ferizajt duhet ti kushtoj vëmendje të duhur Shpenzimeve Kapitale që të ketë një ekzekutim më të mirë të buxhetit.

Komuna e Ferizajt një pjesë të konsiderueshme të raportit ja kushton shpenzimeve të luksit të cilat i paraqet të ultë mirëpo nëse krahasuar me një drejtori të cilën qytetarët e Ferizajt e kanë me shumë prioritet siç është ajo e Urbanizmit dhe Gjeodezisë do të vëreni se sa i kushtohet vëmendje urbanizmit në qytet.