MBLEDHJA E PESTË E KUVENDIT TË KOMUNËS SË PRISHTINËS
11/04/201311.04.2013
REND DITE :
1. Miratimi i ekstraktit të procesverbalit të mbledhjes së katërt;
2. Propozimrregullorja për procedurat e themelimit dhe funksionimit të Këshillit të Veprimit Rinor të Komunës së Prishtinës;
3. Propozimrregullorja për promovimin dhe fuqizimin e vullnetarizmit në komunën e Prishtinës;
4. Propozimstatuti i Arkivit Komunal të Prishtinës;
5. Propozimstatuti i bibliotekës komunale “Hivzi Sylejmani” Prishtinë;
6. Propozimstatuti i teatrit të qytetit të Prishtinës “Dodona”;
7. Propozimvendіmi për shpalljen e ankandit publik për shitjen e automjeteve në pronësi të Komunës;
8. Propozimvendimi për dhënien e lokacionit në shfrytëzim të përkohshëm NPK “Hortikultura” SHA në Prishtinë;
9. Pyetje dhe përgjigje;
10. Të ndryshme.
Kryesuesi i komunës së Prishtinës z. Sami Hamiti e hapi mbledhjen e pestë duke përshëndetur të gjithë të pranishmit, ku informoj se edhe një mbledhje e kuvendit do të organizohet gjatë muajit prill. Mbledhja e radhës do të këtë për qëllim që të njoftohet për shpenzimet e tremujorit të parë si dhe për gjendjen në ndërmarrjen publike komunale “Trafiku Urban”.
Kryesuesi e hedh në diskutim rendin e ditës, mirëpo nuk paraqitet askush për të diskutuar rreth rendit të ditës. Pas kësaj kryesuesi e hedh në votim dhe votohet nga të gjithë.
1. Miratimi i ekstraktit të procesverbalit të mbledhjes së katërt;
Bekim Gashi – LDK: Unë kam marr pjesë në mbledhjen e fundit, ndërsa në ekstraktin e mbledhjes thuhet që unë nuk kam qenë, kërkoj të korrigjohet.
Sadri Ramabaja – VV: Kuvendi nuk po mbanë shënime se kush po voton kundër.
Aprovohet
2. Propozimrregullorja për procedurat e themelimit dhe funksionimit të Këshillit të Veprimit Rinor të Komunës së Prishtinës;
Agim Salihu – zyra ligjore: Në bazë të ligjit për rini, ka ardhur si propozim kjo rregullore. Më këtë rregullore janë pajtuar këshilli i drejtorëve dhe Komiteti për Politikë dhe Financa.
Bekim Gashi – LDK: E kemi shqyrtuar këtë rregullore dhe kemi vendosur qe kjo rregullore të riformulohet të neni 6. E falënderoj drejtoreshën znj.Vlora Dumoshi për punën e saj për rini.
Aziz Pacolli – AKR: Çdo rregullore për rini ne e përkrahim. Kërkojmë të dimë se çka po punohet me rinin.
Skendër Reçica – PDK: E përkrahim këtë rregullore, mirëpo kërkojmë një raport për punën e këtij këshilli për vitin 2012.
Shefqet Sylejmani – AAK: Ne e kemi shqyrtuar këtë rregullore, pajtohem me LDK-në për nenin 6. Rinia është një kapital për Kosovën.
Besa Rafuna – LDD: Ne e përkrahim dhe e mbështesim këtë rregullore.
Feti Mediu – PD: Do të përkrahim këtë rregullore sepse rininë e kemi lenë anash.
Sadri Ramabaja – VV: Në fund na vjen kjo rregullore e cila do të rregulloj për rininë. Neni 2 i përcakton qartë përkufizimet, neni 4 i cili thotë se janë përcaktuar me udhëzues administrativ. Ne nuk e posedojmë këtë udhëzues. Ne do të përkrahim këtë sepse puna me rininë nuk është në gjendje të mirë.
Kryesuesi z. Hamiti: Ramabaja ka të drejtë, sepse nuk është ai udhëzues i cili është përcaktuar më këtë rregullore.
Aprovohet.
3. Propozimrregullorja për promovimin dhe fuqizimin e vullnetarizmit në komunën e Prishtinës;
Agim Salihu – zyra ligjore: Kjo rregullore ka 26 faqe dhe ka për qëllim që të fuqizoj vullnetarizmin në komunë e Prishtinës.
Bekim Gashi – LDK: Grupi parlamentar i LDK-së vlerëson lartë drejtoreshën dhe ne si grup do të përkrahim këtë rregullore.
Milazim Vitija – AKR: Ne e përkrahim këtë rregullore.
Besa Zagragja – PDK: Grupi parlamentar i PDK-së e përkrah rregulloren.
Astrit Salihu – AAK: E përkrahim këtë rregullore dhe kërkoj që të shkëmbehen vullnetarët me komunat dhe vendet tjera.
Shefki Gashi – LDD: E përkrahim këtë, mirëpo vullnetarizmi i ka kaluar koha.
Feti Mediu – PD: Ndërrimi i seksit të hiqet, mos të figuroj.
Sadri Ramabaja – VV: E përgëzoj drejtoreshën për punën e saj, te neni 16 përparësi për dhënien e bursave, unë kërkoj të hiqet. Ne si VV e mbështesim.
Kryesuesi z. Hamiti: me kërkesat të cilat u benë për përmirësime e hedhin ë votim.
Aprovohet.
4. Propozimstatuti i Arkivit Komunal të Prishtinës;
Agim Salihu – zyra ligjore: Ky propozim është bazuar në ligjin përkatës, përmes statutit të arkivit grupi punues ka analizuar stafin e punës në arkivin komunal. Me hyrjen në fuqi të këtij statuti, pushoj të vlej statuti i kaluar.
Flamur Shala – LDK: Është shumë i rëndësishëm për komunën e Prishtinës, prandaj grupi i LDK-së e aprovon si të tillë.
Aziz Pacolli – AKR: Pas ndërrimit të ligjit kërkojmë të dimë se çka është ndryshuar?
Shemsi Veseli – PDK: Ne e aprovojmë këtë.
Aprovohet.
5. Propozimstatuti i bibliotekës komunale “Hivzi Sylejmani” Prishtinë;
Agim Salihu – zyra ligjore: Statuti i bibliotekës komunale “Hivzi Sylejmani” duhet të harmonizohet me ligjet të cilat janë të aprovuar.
Tefik Mehmeti – LDK: Pajtohemi si grup dhe për.
Aziz Pacolli – AKR: E përkrahim.
Shemsi Veseli – PDK: Pasi që janë marr parasysh të gjitha vërejtjet nga KPF-ja, ne si grup parlamentar e përkrahim këtë.
Aprovohet.
6. Propozimstatuti i teatrit të qytetit të Prishtinës “Dodona”;
Agim Salihu – zyra ligjore: Emërtimi i titullit është marr nga ligji për teatrin. Grupi punues është pajtuar me këtë, në këtë statut rol të rëndësishëm ka edhe këshilli drejtues.
Ajnishahe Azemi – LDK: Kemi konstatuar dhe kemi parë se është në harmoni me ligjin dhe LDK do ta përkrah.
Aziz Pacolli – AKR: Kërkojmë nga kryesuesi që vërejtjet tona t’i paraqes në asamble.
Shemsi Veseli – PDK: Nuk kemi çka me ndryshuar pasi që është në harmoni me ligjin, dhe ne si grup e mbështesim.
Astrit Salihu – AAK: Për shkak që financohet nga komuna e Prishtinës, propozoj që çdo shkollë(klasë) të shkojë në teatër pa pagesë.
Shefki Gashi – LDD: E përkrahim.
Feti Mediu – PD: E përkrahim.
Sadri Ramabaja – VV: Neni 9 është copy paste, të neni 13 të precizohet për dramaturgun, regjisorin etj., e jo çdo kush të hyjë në teatër.
Aprovohet
7. Propozimvendіmi për shpalljen e ankandit publik për shitjen e automjeteve në pronësi të komunës;
Agim Salihu – zyra ligjore: Neni 14 i Ligjit për Vetëqeverisje Lokale, ka të bëjë me parkun e Prishtinës të marra nga “Marimanga” veturat, targat etj., janë si shtojcë.
Aziz Pacolli – AKR: Kërkoj të marrim një informatë sa janë shit, sa nuk janë shit etj.
Aprovohet
8. Propozimvendimi për dhënien e lokacionit në shfrytëzim të përkohshëm NPK “Hortikultura” SHA në Prishtinë;
Agim Gashi – Drejtoria e Shërbimeve Publike: Ne i kemi propozuar drejtorisë së pronës dhe kjo drejtori na ka propozuar këtë lokacion, lokacioni është te stacioni i autobusëve.
Tefik Mehmeti – LDK: E përkrahim dhe do të votojmë.
Shemsi Veseli – PDK: E përkrahim.
Aprovohet
9. Pyetje dhe përgjigje dhe Të ndryshme;
Shefki Gashi – LDD: Pse nuk janë përfshirë kuvendi në këtë broshurë?
Sadri Ramabaja – VV: Në broshurë thuhet se është investuar në çdo cep të Prishtinës, ndërsa në lagjen time nuk është investuar që 10 vite. Ne nuk po marrim përgjigje për pyetjet të cilat po i iu bëjmë drejtorëve.
Feti Mediu – PD: Banorët e fshatit Koliq është bërë një peticion për të iu siguruar një linjë transporti për atë pjesë dhe e përkrahim fshatin Koliq. Kërkojmë që tu mundësohet një transport për shkak se nga problemet e tilla ata po vijnë për të banuar në qytet.
Isa Mustafa nuk ishte i pranishëm në këtë seancë.
Të gjitha pikat e rendit të ditës të kësaj mbledhje janë votuar dhe në asnjë pikë nuk ka pasur asnjë abstenim dhe votë kundër.