MBLEDHJA E GJASHTË TË KOMITETIT PËR POLITIKË DHE FINANCA – PRISHTINË
07/05/201307.05.2013
REND DITE :
1. Miratimi i ekstraktit të procesverbalit të mbledhjes së pestë;
2. Propozimvendimi për miratimin dhe lënien në dispozicion për diskutim publik të Projektplanit zhvillimor komunal për periudhën 2013 – 2022;
3. Propozimvendimi për dhënien e Qendrës Kulturore Rekreative në Gërmi në shfrytëzim të përkohshëm NPL “Sport Marketing” SH A në Prishtinë;
4. Propozimvendimi për lejimin e mjeteve ndërmarrjes publike lokale “Sport Marketing” SH A në Prishtinë;
5. Raporti për arkëtimin, shpenzimet dhe investimet në periudhën 1 janar – 31 mars 2013;
6. Komuna e Prishtinës për ndër të ditës së çlirimit të Prishtinës, shpallë qytetar nderi të komunës së Prishtinës kryebashkiakun e Tiranës z.Lulzim Bashën;
7. Vendim për garanci të marrjes së kredisë të Ndërmarrjes Publike Banesore;
8. Të ndryshme;
1. Miratimi i ekstraktit të procesverbalit të mbledhjes së pestë;
Kryesuesi z. Sami Hamiti hapi mbledhjen dhe pyeti të pranishmit për ndonjë ndryshim apo plotësim rreth ekstraktin të procesverbalit të mbledhjes së pestë. Askush nga të pranishëm nuk pati ndonjë vërejtje, sugjerim etj.
Miratohet
2. Propozimvendimi për miratimin dhe lënien në dispozicion për diskutim publik të Projektplanit zhvillimor komunal për periudhën 2013 – 2022;
Kryesuesi z. Hamiti: kërkojmë nga profesori për të prezantuar planin, të gjithë e kemi disktuar në të gjitha nivelet.
Udhëheqësit e hartimit të planit: Kjo është një punë e përbashkët me një kompani italiane. Kompania “A diseing” dhe “POLITECNICA”
Konceptet kyçe të këtij plani do të jenë: Një qytet për rini dhe një territor i cilësisë.
Boshti kryesor urban, një transport publik urban. Territori: sistemi i lëvizshmërisë:
– Linja metropolitane
– Linja metropolitane (interval i shkurtë në ndalesa)
– Linja kryesore e autobusëve
Një zhvillim policentrit siguron një nivel të lartë të komfortëve dhe një përzierje arkitektesh në zonën me gjene urbane.
Parashihet që këto fshatra të jenë më të zhvilluara: Mramor, Llukar, Prugovc dhe Koliq.
Vlerat kulturore dhe natyrore, ruajtja e identitetit të tyre.
Rritja e modeleve të vendbanimeve rurale për një zhvillim lokal. Të jetë një bujqësi multifunksionale dhe turizëm rural.
Rritja e vendbanimeve rurale, Përmirësimi i cilësisë së mjedisit urban dhe rural.
Aziz Pacolli – AKR: Në takimin që e kemi pasur, kërkesat tona kanë qenë për pjesën e Gollakut. Shumë nuk e dinë që ajo pjesë kufizohet me Serbinë. Çdo herë pjesa e Gollakut po diskriminohet nga komuna e Prishtinës. Kërkojmë që në këtë plan duhet të dihet si duket Prishtina në 2022, e jo të na tregohet sheshet e qyteteve tjera.
Në stafin i cili është duke e hartuar këtë plan nuk ka inxhinier të makinerisë, nuk ka asnjë të dhënë rreth ngrohjes së Prishtinës. Shumë pak ka vende për nëntokë, sepse mbi tokë Prishtina është e ngulfatur. Infrastruktura nëntokësore shumë pak po shfrytëzohet.
Behxhet Mesliu – Drejtor i Urbanizmit: Janë paraparë të gjitha fshatrat.
Mustafë Krasniqi – LDK: Është diskutuar bukur gjatë për zhvillimin të Prishtinës, ju përgëzoj për këtë punë. Besoj që do të aprovohet edhe nga asambleja.
Avdullah Hoti – Nënkryetar i komunës së Prishtinës: Duhet të plotësohet sa më mirë, në mënyrë që të prezantohet sa më mirë para qytetarëve: Stadiumi?, Universitetet?, Km2?, Vlerësimi i popullsisë?, Furnizimi me Ujë dhe Ngrohje?.
Aprovohet
3. Propozimvendimi për dhënien e Qendrës Kulturore Rekreative në Gërmi në shfrytëzim të përkohshëm NPL “Sport Marketing” SH A në Prishtinë;
Agim Salihu – zyra ligjore: tek ky propozimvendim është fjala për parcelën 214/01 e cila ka një sipërfaqe 384 m2, këto epen në shfrytëzim për 10 vite. Gjithsej janë 13 shtëpiza.
Kryesuesi z. Hamiti kërkoj që parcelat të mos jenë pronë private.
Aprovohet
4. Propozimvendimi për lejimin e mjeteve ndërmarrjes publike lokale “Sport Marketing” SH A në Prishtinë;
Shuma prej 100.000 euro janë mjete të ndara subvencionet dhe janë nga të hyrat vetjake. Qëllimi i subvencionimit të kësaj ndërmarrje është për të blerë pajisje për kuzhinë.
Aprovohet
5. Raporti për arkëtimin, shpenzimet dhe investimet në periudhën 1 janar – 31 mars 2013;
Xhelil Bekteshi – drejtor i drejtorisë për Financa dhe Pronë: Ky raport ka për qëllim të tregoj sa kemi të hyra për këtë periudhë kohore, sa kemi shpenzime dhe sa janë bërë investime për këtë periudhë kohore nga 01 Janar 2013 e deri më 31 Mars 2013.
Aprovohet
6. Komuna e Prishtinës për ndër të ditës së çlirimit të Prishtinës, shpallë qytetar nderi të komunës së Prishtinës kryebashkiakun e Tiranës z.Lulzim Bashën;
Aprovohet
7. Vendim për garanci të marrjes së kredisë të Ndërmarrjes Publike Banesore;
Agim Salihu – zyra ligjore: komuna e Prishtinës mund të jetë garantues për marrjen e kredisë nga ndërmarrjet publike komunale sipas ligjit mbi ndërmarrjet publike.
Aprovohet
8. Të ndryshme;
Në mbledhje munguar Tefik Mehmeti nga LDK-ja dhe Shemsi Veseli nga PDK-ja.
Mbledhja e gjashtë e kuvendit komunal do të mbahet me 16.05.2013.