Finacimi i Partive Politike
04/07/2013Partit Politike financohen nga Ndërmarrjet Publike dhe Operatorët Ekonomik .!
4 Korrik 2013, INPO organizoi debatin “Financimi i Partive Politike” të pranishëm në këtë debat ishin: Alberton Sahiti AAK, Asllan Kryeziu, Bashkim Fazliu- Migjeni Nisma Qytetare, Flamur Istrefi LVV, Muhamet Çerkini LDK, Bekim Ademi, Gazmend Rexhepi Birn dhe mediat .
Debati është fokusuar në Financimin e Partive Politike, Raporti i Auditorit të Pavarur për Fushatën Zgjedhore për vitin 2012 për Zgjedhjet e Jashtëzakonshme për Kryetar Komune në Ferizaj.
Fillimisht z.Samir Reka nga INPO , hapi debatin me një prezantim për Raportin e Auditorit, duke thënë se ka disa shkelje të cilat jan paraqitur në këtë Raport.
Muhamet Çerkini, mori fjalën duke thënë se Raporti i Auditorit të cilin ne kemi lexuar nuk ka patur vërejtje të veçanta për LDK-në dhe ky është fakt që ne i respektojmë dispozitat ligjore. Burimi i të hyrave të disa subjekteve janë nga aktivistë politik dhe ka raste kur një individ në arsim me pagë 300 euro i jepë 2000 euro. Ne si LDK në këtë Raport dihen burimet financiare se nga janë marrë, ku janë nga buxheti i Kosovës i paraparë për Partitë Politike, dhe se çdo shpenzim është dokumentuar me fakturë. Shkelje është se LDK-ja nuk ka kontabilist por vetëm një person me përvojë i cili dhe menaxhon financat e kësaj partie. Partitë e fuqishme i përdorin makinat zyrtare për mitingje gjatë fushatës zgjedhore dhe gjithashtu shkollat përdoren për këto takime publike të partive poltike gjatë fushatës. Ai sygjeroi që partitë politike të financohen vetëm nga buxheti i shtetit dhe kjo i ndihmon partit poltike që mos të hynë në borxhe.
Flamur Istrefi LVV, deklaroi se jemi i vetmi subjekt politik që raportet financiare i kemi paraqitur në webfaqen e partisë dhe se shpenzimet 80% bëhen përmes bankës dhe jemi shembulll i mirë i raportit financiar. Finacimi i partisë bëhet nga buxheti i Kosovës. Në qendrën në Ferizaj bëhet planifikimi financiar dhe ky planifikim dorëzohet në Prishtinë. Raporti i Auditimit tregon se ne jemi të saktë. Z.Istrefi pati disa vërejtje për partinë në pushtet PDK-në duke thënë se shpenzimet kjo parti i ka shum të mëdha duke patur dhe shkelje të brendëshme dhe se nuk ka raport të sakt për këtë parti PDK-në merr donacione të tjera dhe nuk i paraqet.
Z.Alberton Sahiti AAK, tha se kemi prekë temën më të rëndësishme,mirëpo mos ardhja e partisë në pushtet PDK-së është një tjetër dëshmi e mirë.Sa i përket financimit nga kjo parti ai theksoi se kemi vetëm pesë donatorë kryesorë dhe dy nga partia ndërsa nga bizneset nuk kemi fare financime dhe se konform ligjit jemi në rregull.Ndërsa sa i përket borgjeve si parti ne kemi 2000 euro duke ditur se jemi parti e vogël dhe se nuk kemi financa tjera ,përpos nga buxheti i qeverisë.
Edhe përfaqësuesi nga AAK-ja,z.Sahiti tha se PDK-ja gjatë fushatave tërë qytetin e Ferizajt e ka mbuluar me bilborde,dhe se të gjitha shpenzimet që kjo parti ka bërë nuk janë ta pasqyruara askund.
z.Asllan Kryeziu, mori fjalën duke thënë se për dallim nga subjektet tjera politike ne si parti nuk gjendemi mirë financiarisht.Ndërsa sa i përket raportit të auditorit partitë politike shihen që nuk qëndrojnë mirë me transparencë.Shqetësimi që ai ngriti në këtë debat ishte se spotet politike kushtojnë rreth 13 euro për sekond ku ai tha se si një parti politike gjatë një tubimi elektoral ka zgjatur rreth një orë dhe paramendoni shpenzimet që kanë kushtuar.Ndërsa sa i përket ndërtimeve tek Rrethi që po ndërtohet aty ka një shumë rreth 66 mijë euro që është shumë marramendëse.
z.Bekim Ademi, tha se këtë material e kam shfletuar me kujdes dhe se disa parti janë financuar nga krimi dhe se nuk deklarojnë fare nga janë marrë ato para ,ndërsa dihet se ato para kanë ardhur nga bizneset.Ato biznese që i financojnë partitë nuk i tregojnë emrat vetëm e vetëm nga frika e partise e cila do të vijë në pushtet.Sipas raportit AAK ka donacione nga deputetët qendror,PDK dhe LDK nuk kanë cekuar fare emra,ndërsa ai për KQZ-në tha se ka bërë një shkelje duke pranuar raportet.Ndërsa sa i përket individëve të cilët kanë financuar partitë e tyra ai thekson se ka njerëz që nuk kanë kushte aq të mira financiare për vetën e tyre dhe po të njëjtit kanë dhënë donacione.
z.Bashkim Fazliu tha se ky është një debat i mirëseardhur,por i varfër që mungojnë portoganistët kryesorë siq është PDK-ja.Fakt interesant është se kur shikohet raporti i auditorit del se qytetarët e Kosovës janë shumë të pasur.Ai tha se ju garantojë që disa emra që figurojnë si donatorë për partinë e tyre kanë qejf t’i kenë ato para që kinse i kanë dhuruar për partinë dhe duhet të bëhët një gazetari investigative që të gjurmohen këta emra.Ndërsa sa i përket zgjedhjeve të kaluara ai tha se kemi informata që vota është blerë për 20 euro dhe shpreh shqetësim se qka do të ndodh për zgjedhjet e ardhshme që po vijnë tashmë datë e caktuar ,marrëveshje kjo mes Thaqit e Daçiçit për datën e zgjedhjeve me 3 Nëntor.Sa i përket financimit të partive nga ana e biznismenëve ai tha se ata janë të interesuar të bashkpunojnë vetëm me partitë më të mëdha dhe se partitë më të vogla janë më korrekte në Raport.Ai poashtu bëri një lutje që institucionet të kenë presion më të madh tek partitë e mëdha sa i përket transparencës për donatorët.
z.Flamur Istrefi, tha se duhet të bëhet një Ligj më i rrept për mos deklarim nga Qeveria dhe KQZ-ja,sepse tek ne fuqia e partisë matet se sa është shpina e fortë.
Z.Bekim Ademi, tha se falë bizneseve partitë kanë pasur kushte të mira gjatë fushatës,kurse ne nuk kemi pasur mundësi as bilborda të vendosën nëpër qytet dhe se buxheti ynë ka qenë vetëm 300 euro,ndërsa sa u përket emrave të bizneseve që nuk deklarohen kjo ndodh vetëm nga frika e partisë në pushtet.
z.Asllan Kryeziu, tha se nuk është as fija e bizneseve dhe as e individëve sepse ato para nuk mjaftojnë, mirëpo janë disa kanale në hapësirë që ne nuk i dijmë.Ai poashtu u shpreh se jemi në një situatë mjaftë të keqe meqë ne vet si qytetarë po e ngulfatëm ligjin.
z.Bekim Ademi, tha se ka kërkuar emërimin e sheshit,hapjen e Universiteteve Publike në Ferizaj,Raportin financiar për Ndërrmarrjet Publike,por është anashkalim total i këshilltarëve.
Z.Muhamet Çerkini, tha se duhet të ndalohen me ligj donacionet,se donacionet të cilat që jepen nuk jepen nësë nuk paguhen dhjetë fish më vonë dhe sa i përket zgjedhjeve në vitin e kaluar PDK-ja kishte 700 vëzhgues dhe ata vëzhgues nuk ishin për të vëzhguar zgjedhjet,por të mirren sa më shumë vota.Ndërsa kërkon nga KQZ-ja të lejojë donacion deri 100 euro për partitë dhe se në Raport të Auditorit nuk kalohet shuma 48 mijë euro por është kaluar nga partia e PDK-së nëse mirren dy rundet 57 mijë euro.
Asllan Kryeziu, manipulimi më i madhë bëhet të komitetiti Ashkanlinjë, sepse ka këshilltarë që jan me vota të tyre në Kuvendë sepse kan shkuar dhe kan premtuar gjëra, mirëpo kjo nuk është e jashtë ligjëshme .
Alberton Sahiti AAK, tha se mos prania e partis në pushtet PDK-së do të thot se ata nuk pranojnë të baskëpunojnë.
Rekomandimet:
Të publikohen në websait Finacat e Partive Politike
Kontrolli i mbrendshëm i financave në parti dhe raportimi detaj tek anëtarësia.
Ne raportet e partive të përfshihen edhe financimi nga bizneset
Këshilltarët Komunal të jenë më të këmbëngulshëm në raportet financiare të Ndërmarrjeve Publike