Debati “Ndërtimet pa leje në Ferizaj”

12/09/2013

INPO organizoi debatin “Ndërtimet pa leje në Ferizaj” të pranishëm në këtë debat ishin: Bashkim Fazliu(NQF),Hajredin Sylejmani(AKR), Faton Topalli (VV),Faruk Guri (LDK), Enver Kosumi( Handikos), Fazlie Bungu (Hendifer) si dhe mediat.

Fillimisht z.Samir Reka nga INPO , hapi debatin duke thënë se INPO sa i përket monitorimit të punës së komunës ka organizuar debate edhe më herët,por kjo është hera e parë që mungojnë zyrtarët.

Çfarë e bënë të veçantë këtë debat është se nuk kemi mundur t’i bindim zyrtarët e drejtorive të vijnë në këtë tryeze atë të urbanizmit z. Qazime Vata dhe të inspeksionit z.David Dema. Përpos ftesave të cilat u janë dërguar personave në fjalë,po ashtu INPO të njëjtën ftesë ua drejtoi edhe Kryetarit të Komunës që ai të dërgojë një nga zyrtarët e këtyre lëmive.

INPO ka shfaq brengën përmes një reagimi për inspektoratin i cili nuk është transparentë si dhe për drejtorinë e urbanizimit të cilët nuk janë treguar të gatshëm që të përmbushin obligimet e tyre që obligohen sipas Ligjit Nr. 03/-215L për Qasjen në Dokumente Zyrtare,sipas Udhëzimit Administrativ Nr.2008/09 për Transparencën në Komuna.

z. Faruk Guri nga LDK-ja tha se pushteti është injorues,duke pasur kështu qeverisje të kundërligjshme dhe duke marrë vendime të kundërligjshme. Ndërsa sa i përket ndërtimeve pa leje ai tha se ka ndërtime më tepër të paevidentuara dhe se hapësirat publike janë regjistruar si hapësira private. Për planet urbane ai tha se po respektohen shumë pak duke i quajtur si shpenzime të kota.

Gjithashtu kërkoi rrëzimin e Orëkullës si një objekt i pavlerë dhe ilegal.

z. Bashkim Fazliu nga NQF tha se duhet të fuqizohet komuniteti dhe tu jepet e drejta që asnjë ndërtim të mos bëhet pa pëlqimin e tyre dhe se edhe opozita duhet të jetë më azhure rreth këtyre problemeve,duke thënë se ndërtimet pa leje janë fakt ekzistues.

z. Faton Topalli tha se kemi shkelje te ligjit në të gjitha nivelet sa i përket urbanizmit dhe se lejet nuk jepen në bazë të standardeve dhe sa u përket planeve janë në kundërshtim me ligjin aktual. Ndërsa sa i përket kësaj qeverisje ai tha se nuk kanë krijuar kushte asnjëherë për debate të mirëfillta duke treguar kështu jotransparencë.

z. Hajredin Sylejmani nga radhët e AKR-së tha se në këtë debat duhej të ishin të gjithë kandidatët për kryetar komune që atyre të ju ipet mundësia për ndryshime.
Ai poashtu tha se duhet që legalizimi i pronës të jepet nga Kuvendi komunal me buxhet komunal. Poashtu theksoi edhe mungesën e kuadros në kadastër dhe gjeodezi duke i quajtur zyrtarët e këtij institucioni të dobët.

Znj. Fazlie Bungu nga Hendifer tha se ligji sa i përket zbatimit të tij është i barabartë me zero ngase personat me aftësi të kufizuara nuk kanë qasje. Sa u përket konsultave për plane urbanistike ato janë bërë pa ne dhe se përderisa gjeodetët kanë punë private aty nuk ka punë.

z. Enver Kosumi nga Handikos tha se në vitin 2008-2009 kemi pasur një projekt me BE për ligjin urbanistik,i cili nuk po ekziston ku pjesa dërmuese nuk e kanë ditur se ai ligj po ekziston. Në Komunë është ndërtuar një tualet për personat me aftësi të kufizuara i cili tashmë përdoret si depo.

Konkluzionet e debatit:

-Drejtoria e urbanizmit dhe inspektorati ta zbatojnë ligjin mbi qasjen në dokumentet zyrtarë.

– Zbatimin e ligjit mbi ndërtimet

– Konsultimet me komunitetin lidhur me ndërtimet të jenë substanciale

-Planet rregulluese të bëhen në përputhje me ligjin

-Legalizimi i pronës