Dalja në votime deri në ora 12:00 dhe mbarëvajtja e procesit zgjedhor
29/04/2012(Raport paraprak përmbledhës. Detajet për secilën çështje të identifikuar do të jepen në raportet me të detaizuara që do të përgatiten pas procesit të votimit)
Ferizaj – Në tërësi, deri në mesditë, në ora 12:00, në zgjedhjet e parakohshme për Kryetarin e Komunës në Ferizaj kanë votuar mbi 11,000 votues, 11.5% nga totali. Dalja më e lartë ishte 18% në një vendvotim, dhe më e ulëta ishte 5.3%.
Në shumë vendvotime komisionerët nuk janë të informuar për procedurat që duhet ndjekur. Ata nuk janë të informuar me shkrim për ndryshimin që vëzhguesit mund të qëndrojnë prapa komisionerit që kontrollon letërnjoftimin. Ata po ashtu nuk janë të informuar se cilat dokumente janë te vlefshme dhe kanë lejuar persona që të votojnë me kopje të dokumenteve identifikuese. Po ashtu në disa vendvotime komisionerët kanë lëshuar për një kohë vendvotimet e tyre, ku në një rast procesi i votimit është zhvilluar me vetëm dy komisionerë (2507D, 01r).
Në shumë vendvotime ka persona të shumtë që nuk mund të gjejnë emrin në listë. Mesatarisht ka rreth 4-20 persona për çdo vendvotime (që në përqindje i bie 6-15% e totalit të të gjithë votuesve që kanë votuar).
Në shumë vendvotime ka persona të shumtë të dyshimtë që sjellen rreth objekteve dhe në korridore. Raportohen vetura të shumta të cilët komunikojnë dhe vërehet një organizim paralel. Janë vërejtur zyrtarë partiakë duke hyrë dhe dalë nga zyra e drejtorit në Gjimnazin e Ferizajt.
Ka raste të izoluara të votimit brenda kabinës të disa personave, 2 raste me votim me kopje të letërnjoftimeve.
Ka indikacione që ngjyra fshihet lehtë. Kontrollorët e gishtërinjve nuk janë azhur. Një vëzhgues i D4D-së pasi ka bërë gishtin me ngjyrë, ka testuar nëse kjo i vërehet në 5 vendvotime. Në katër nga to nuk kanë vërejtur ngjyrën.
Një i dënuar me 6 muaj burg është paraqitur në një qendër të votimit, por pas denoncimit të tij, i njëjti është larguar nga policia.
Në qendrat e votimeve në fshatrat Zaskok, Nerodime, Pleshinë janë vërejtur vetura dyshuese të cilat kanë qëndruar dhe ende po qëndrojnë para shkollave të këtyre fshatrave. Personat të cilët ngasin këto vetura nuk janë të akredituar nga KQZ-ja dhe veturat kanë targa të kryeqytetit 01. Ndërsa në Nerodime vetura e tipit Audi 80 ngjyrë të kuqe ka pasur të ngjitura afishe të kandidatit Agim Aliu, (targat janë të njohura për vëzhguesit tanë).