Çka është Shkolla e Aktivizmit?

10/08/2011

Shkolla e Aktivizmit është nismë e organizatës Iniciativa për Progres – INPO, e dizajnuar për të rinj të moshës 16 – 20 vjeçare, nxënës të shkollave të mesme dhe studentë fillestar të Universitetit e cila ka për synim të ofrojë trajnime dhe mundësi për të rinjtë që të jenë aktiv në komunitetin ku jetojnë ose studiojnë.

Shkolla do të grumbulloj të rinjë nga e gjithë Kosova dhe do të ofroj edukim jo-formal në fusha të ndryshme si: Qeverisja e mirë, Sundimi i Ligjit, të Drejtat e Njeriut, Organizatat-Joqeveritare, Media, etj.

Trajnimet do të jenë të orientuara më shumë në aspektin praktik, ku trajnerët dhe folësit do të ndajnë përvojën e tyre dhe pjesëmarrësit do të kenë detyra praktike për zbatim.

Benefitet e pjesëmarrjes në shkollë janë shumë dimensionale. Në radhë të parë, pjesëmarrësit do të jenë aktiv gjatë tërë periudhës sa zgjatë shkolla dhe më pas duke realizuar projekte dhe aktivitete në komunitetin ku jetojnë dhe veprojnë. Përveç kësaj, nxënësit do të kenë mundësi të shumta të angazhohen nëpër organizata ekzistuese jo-qeveritare apo edhe të formojnë organizatat e tyre, me ç’rast organizata INPO dhe trajnerët e angazhuar do të ofrojnë përkrahje dhe asistencë të vazhdueshme për nxënësit që vendosin të formojnë organizatat e tyre.

Përfundimisht, Shkolla e Aktivizmit ka për qëllim të aktivizoj të rinjtë Kosovar si potenciali më i rëndësishëm i vendit për ndryshime pozitive në Kosovë.

Shkolla e Aktivizmit do të jetë një eksperiencë e paharruar për pjesëmarrësit në të. Në njërën anë për shkak të eksperiencës profesionale që do të përfitojnë dhe, në anën tjetër, për shkak të shoqërisë së re që do të krijojnë – të cilat shpesh herë shëndrrohen në miqësi të përjetshme.

Përvec aspektit teorik dhe praktik të shkollës së aktivizmit, gjatë periudhës sa zgjatë shkolla do të realizohen dhe aktivitete të ndryshme sociale si: muzikë, lojra të ndryshme, art, film, debate dhe forume të hapura, etj.
E gjithë shkolla do të realizohet gjatë muajit korrik. Për shkak të numrit të madh të pjesëmarrësve shkolla do të jetë e ndarë në dy grupe.