17 qershor 2012 Komunikata 2 (13:30) Dalja në votime deri në ora 12:00 Zgjedhjet në Kaçanik

17/06/2012

(Raport paraprak përmbledhës. Detajet për secilën çështje të identifikuar do të jepen në raportet me të detaizuara që do të përgatiten pas procesit të votimit)

Kaçanik – Deri në ora 12:00 (mesditë), në zgjedhjet e parakohshme për Kryetarin e Komunës në Kaçanik kanë votuar 4, 228 votues të rregullt dhe 69 me kusht, 13.7% nga totali. Dalja më e lartë ka qenë në vendvotimin 0719D/02D (Kovaçec) me 22 %, ndërsa më e ulëta në vendvotimin 0707D/2R (Doganaj), me 7.85%. Në zonat urbane dalja është 14.65% dhe në zonat rurale është 13.02%.

Votimet e dyfishta:
Në qendrën e votimit 0719D (Kovaçec) vendvotimi 01, një të moshuare (mbi 70 vjeçare) gjatë procesit të kontrollimit të gishtit bateria ka treguar që votuesja e ka gishtin e spërkatur. Për këtë arsye këshilli i vendvotimit ka thirr në ndihmë KKZ-në për të vendosur nëse duhet lejuar ajo që të votojë apo jo. Përfaqësuesit e KKZ-së duke u arsyetuar me moshën e votueses, kanë vendosur që atë t’a lejojnë të votojnë. D4D dhe INPO konsiderojnë se kjo është shkelje nga ana e KKZ-së sepse nuk mund të përjashtohet mundësia që votuesja ka qenë e manipuluar dhe është dërguar më herët që diku tjetër të votojë me kusht.

Problemet me listën e votuesve:
Në qendrat e votimit 0707D (fshati Doganaj), 0702D (fshati Glloboçicë), 0703D (fshatin Kaçanik i Vjetër) dhe 0706D (Dubravë), një numër i konsideruar i qytetarëve nuk janë duke e gjetur emrin e tyre në listat e votuesve.

Votimet familjare dhe në emër të dikujt tjetër, si dhe votuesit me asistencë:
Në qendrën e votimit 0707D (fshati Doganaj) vendvotimi 03R një votues ka shkuar në vendvotim me letërnjoftime të anëtarëve të familjes me qëllim që të votojë për të gjithë, por kryesuesi i vendvotimit nuk e ka lejuar dhe personi në fjalë ka votuar vetëm për veten e tij. Në qendrën e votimit 0706D (Dubravë) 02R dhe vendvotimi 04D, si dhe në qendrën e votimit 0701D (Kaçanik) vendvotimi 01R ka pasur votim familjar. Në qendrën e votimit 0701D (Kaçanik), vendvotimi 01R, një person ka asistuar me shumë se një person, gjë që është në kundërshtim të ligjit.

Problemet me vëzhguesit e subjekteve politike:
Në qendrën e votimit 0713D (fshati Begracë) vendvotimi 02R nga subjekti politik AAK ka pasur më shumë vëzhgues sesa është e lejuar me ligj dhe është dashur që menaxheri i qendrës së votimit të ndërhyjë që aty të mbesin vetëm dy vëzhgues nga ai subjekt politik, aq sa edhe e lejon ligji.